Dúkkan í glugganum

– En er þetta ekki svolítið óvenjulegt þrátt fyrir allt? heyrði hún mömmu sína segja í hálfum hljóðum. Ég meina … að láta stelpuna hanga úti í glugga eins og gínu?
– Nei nei, sagði Hávar glaðhlakkalega. Við höfum alltaf haft þennan háttinn á. Þetta er hluti af vel úthugsaðri markaðsherferð bankans.
– Markaðs …? Pabbi Albertínu var ekki vel með á nótunum og Hávar hélt óþolinmóður áfram: – Sjáið nú til, gott fólk! Húsið selur sig ekki sjálft. Það er alls ekkert óeðlilegt við svona sýningu. Þetta er hluti af vandlega úthugsaðri auglýsingaherferð. Hugmyndin kostaði bankann mikla peninga. Vorum við ekki annars búin að fara yfir þetta? Mig minnir endilega að þetta standi í samningnum. Auk þess eruð þið að hagnast! Ekki gleyma því! Hagnast!